A alcaldesa da Coruña, Inés Rey, apelou á responsabildiad de “cada unha e cada un” para “loitar por unha sociedade máis xusta e igualitaria”.
Foi con motivo do acto conmemorativo polo Día Internacional da Eliminación da Violencia contra a Muller, promovido polo consistorio coruñés para conmemorar o 25N.
A rexedora presidiu os actos acompañada pola concelleira de Benestar Social, Igualdade e Participación, Nereida Canosa. A xornada comezou no barrio do Castrillón, na praza de Pablo Igrexas.
Foi cunha concentración convocada por ‘a convivencia sen violencia’, promovida pola Plataforma do Castrillón-Urbanización Soto. Durante o evento, mozos do barrio leron textos conmemorativos e colocaron o lazo morado simbólico da citada plataforma.
Tras un minuto de silencio en memoria das vítimas de violencia machista, a alcaldesa, na súa intervención, destacou a importancia de “continuar traballando desde todos os ámbitos da sociedade para erradicar esta secuela”.
