Un home apareceu inconsciente á beira do seu vehículo na madrugada deste sábado na localidade coruñesa de Arteixo. Os feitos ocorreron pouco despois das 01.20 horas e foi un particular o que contactou co Centro Integrado de Atención ás Emerxencias, indicando que o implicado non respondía a estímulos. Ademais, explicaba que o home podería terse caído e golpeado ao tratar de subir ou baixar do coche, que estaba á altura do quilómetro 7 da AC-552, en Oseiro. Por iso, desde o 112 Galicia alertouse a Urxencias Sanitarias, á Garda Civil e á Policía Local de Arteixo. As forzas da orde investigan as circunstancias do suceso.