O Aquarium Finisterrae da Coruña incorporou unha vintena de luras da variedade ‘Loligo vulgaris’ que cambian de cor para camuflarse diante das súas presas e depredadores. Estes moluscos cefalópodos atópanse nun tanque cilíndrico da Sala Maremagnum e foron capturados á ría coruñesa polo equipo de bioloxía mariña do Aquarium.

A captura foi posible polas boas condicións do mar e a existencia de bancos de sardiñas na zona, unha das principais especies das que se alimentan as luras. O ‘Loligo vulgaris’ é un molusco cefalópodo que se distribúe no Atlántico oriental, desde o Mar do Norte e as Illas Británicas ata o suroeste de África e do Mediterráneo, a unha profundidade de ata 500 metros.