A sección segunda da Audiencia Provincial da Coruña celebrará o martes, día 3, o xuízo contra un home acusado de venda de drogas na Coruña. Fiscalía pide para el unha pena de catro anos de prisión coa agravante de reincidencia e a atenuante de intoxicación por consumo de estupefacientes. No seu escrito de cualificación, Fiscalía sostén que en xullo de 2022 o home dedicábase á venda de heroína e haxix. Na mañá do 22 de xullo dese ano foi sorprendido pola Policía Local cando realizaba a venda na confluencia da avenida Monelos coa rúa Pérez Ardá. Os axentes, tras identificarse, procederon á identificación e detención do investigado ao que lle interviron unha bolsa de plástico transparente, que contiña heroína, haxix e tranxilium para a súa venda, sostén o Ministerio Público, “a terceiros”.