Este pasado sábado celebrouse no Obelisco, como en máis de 50 cidades e capitais provinciais de toda España, unha concentración baixo o lema “Pola Paz. Cese o lume agora! Nin terrorismo, nin xenocidio”. Unha cita para reclamar un alto o fogo inmediato e permanente en Palestina e Líbano, que poña fin á barbarie e ao xenocidio.

As concentracións foron convocadas, no marco do movemento Paz, por milleiros de profesionais da cultura que asinaron o manifesto, como Miguel Ríos, o actor Juan Echanove, a escritora Rosa Montero, a actriz Viky Peña, o economista Juan Torres ou o director Fernando Colomo. Concentracións que contaron co apoio dun centenar de organizacións entre os que destacan sindicatos como CCOO, UGT e USO, a COAG de Labregos e gandeiros, Fetico ou a Federación de Sindicatos de Xornalistas. Plataformas como a Federación de Asociacións Veciñais de Madrid, Asociacións en Defensa da Sanidade Pública ou a Federación Estatal LGTBI.
Ademais de organizacións políticas, como Recortes Cero, e entidades sociais, sumáronse organizacións da Igrexa, como HOAC ou o Movemento da Xuventude Rural Católica.

Durante a concentración leronse tres textos. Unha do correspondente Fran Sevilla en homenaxe aos xornalistas de Gaza, 137 asasinados, testemuñas da masacre que xa non son silenciados polas bombas israelís. Algúns poemas de dous poetas palestinos. E un comunicado final lido entre todas as organizacións participantes.

No comunicado, ademais de denunciar os arrepiantes datos da barbaridade xenocida, destacou que “miles de voces resoan en máis de 50 pobos como unha soa voz” para reclamar un alto o lume Xa! En Palestina e no Líbano.

Lembraron que hoxe hai case 45 mil persoas asasinadas en Palestina, delas 17 mil son nenas e nenos, case 4 mil no Líbano, 2 millóns de desprazados e máis do 70% da infraestrutura destruída.