Recibía esta mañá a sede da Cruz Vermella da Coruña, a visita institucional comandada pola concelleira de Benestar Social, Participación e Igualdade, Nereida Canosa. O presidente provincial da entidade, Manuel Viqueira, e as responsables Carmen Reigía e Cristina Méndez, acompañaron e debullaron a labor deste servizo esencial que atende a máis de 2.200 persoas na cidade.

O servizo de teleasistencia municipal combina tecnoloxía avanzada con atención humana personalizada. Entre as súas funcións destacan a resposta inmediata ante emerxencias, o seguimento a través de chamadas programadas e o uso de dispositivos como detectores de caídas, gas ou fume, que incrementan a seguridade nos fogares das persoas usuarias.

Son varios datos singulares do servizo: Das 2.265 persoas atendidas, o 82% son mulleres e a idade media é de 84 anos.
Para dar conta da importancia, só neste 2024, foron rexistradas e atendidas 706, sendo as caídas a causa máis habitual (31,2%). 

A entidade destaca que o servizo é gratuíto para as persoas usuarias, grazas a un investimento anual de 265.000 euros por parte do Concello, en paralelo ao servizo que ofrece a Deputación.

En definitiva, “unha ferramenta esencial na detección e atención de persoas en situación de soidade non desexada”.