O Concello da Coruña organiza festas e talleres infantís dentro da programación municipal de Nadal. No marco do programa de actividades e actuacións de Nadal, e co obxectivo de facilitar a conciliación durante estas datas festivas, os centros cívicos dos barrios acollerán festas, obradoiros e visitas orientadas a nenos e nenas en idade infantil.
A partir deste venres, 13 de decembro, é posible inscribirse nas diferentes propostas. Para facelo, as persoas responsables das crianzas deberán acudir ao centro cívico no que queiran que participe o neno ou a nena. A inscrición levarase a cabo na conserxería do centro por
orde de chegada ata completar a capacidade de cada acto. A participación é gratuíta e as e os participantes deberán ir acompañados/as dunha persoa adulta.
Programación completa
Talleres infantís e visita de Papá Noel
- Sábado 21 de decembro, a partir das 10.30 horas, en Feáns, Castro de Elviña, Artesáns e Santa Lucía.
- Domingo 22 de decembro, a partir das 17.30 horas, na Sagrada Familia, Pescadores e A Silva.
Festas infantís e visita dos Reis Magos
- Venres 27 de decembro, a partir das 17.30 horas, en Novo Mesoiro, Elviña e Os Rosales.
- Sábado 28 de decembro, a partir das 17.30 horas, en Labañou, Monte Alto e Palavea.
- Domingo 29 de decembro, a partir das 17.30 horas, en Cidade Vella, O Castrillón e Novoboandanza.
- Venres 3 de xaneiro, a partir das 17.30 horas, en San Diego, Monelos e San Pedro de Visma.
- Sábado 4 de xaneiro, a partir das 17.30 horas, nos Mallos e Eirís.
