Un condutor tivo que ser excarcerado na noite deste pasado luns na Coruña tras quedar atrapado no seu vehículo despois de envorcar e chocar contra un farol.Tal como informa o 112 Galicia, os feitos ocorreron sobre as 23.20 horas na avenida do Alcalde Alfonso Molina e foi necesaria a intervención dos bombeiros da cidade para excarcerar a unha persoa, que se saíu da vía e acabou impactando contra un farol.
No operativo tamén participou a Policía Local e os servizos de mantemento da estrada, ademais dos servizos sanitarios, que trasladaron ao condutor a un centro hospitalario.
