A Avenida de Alfonso Molina, principal entrada da Coruña, tivo retencións na mañá deste mércores debido a un accidente no que resultaron implicados catro vehículos por un alcance, no que non se rexistraron feridos.

Tal e como informan fontes da Dirección Xeral de Tráfico (DGT) consultadas por Europa Press, o sinistro ocorreu ás 07.50 horas desta mañá en sentido entrada da cidade “un pouco antes” da incorporación á autoestrada AP-9.

O accidente causou retencións que chegaron ata Perillo, “á zona dos concesionarios”. Ás 09.30 horas estaba solucionada a incidencia e “normalizouse xa o tráfico”, segundo apuntan as mesmas fontes.