O Concello da Coruña presentou esta mañá na Feira Internacional de Turismo (Fitur) a súa estratexia turística para este ano 2025.
A comitiva presentou “Destino A Coruña” no pavillón de Galicia de Ifema Madrid, onde sinalou que esta cidade “é o principal referente do noroeste peninsular, onde representa unha opción completa, especial, diferente e, ante todo, disposta a practicar a sedución desde a súa Cultura de Vivir”.
Durante o acto púidose ver a curtametraxe dirixida e protagonizada por Javier Veiga xunto a Xosé A. Touriñán que se presentou a pasada noite. Esta nova campaña turística mostra as grandes potencialidades da cidade nun formato de ‘western’ con toques de humor propios destes actores.
A rexedora anunciou que Baiuca abrirá o 175 aniversario das Festas de María Pita e Luar na Lubre actuará no Festival Noroeste Estrella Galicia.
Ademais, tamén en clave musical, sinalou que artista portorriqueño Residente será o cabeza de cartel do Morriña Festival.
E puxo tamén nome ao festival de cultura e fútbol, ‘Rebumbio’, será o punto de partida dos actos previstos como sede do Mundial 2030
