A fase de instrución na que se atopa o caso pola morte de Yoel Quispe, o mozo apuñalado mortalmente na madrugada do día de Noiteboa de 2023 na Coruña, foi prorrogada por seis meses mentres proseguen as actuacións en relación ao mesmo.
Así o confirmou, en declaracións a Europa Press, Adrián Borrajo, avogado da nai da vítima, que explicou, con motivo dunha nova mobilización de achegados, que este xoves houbo unha nova declaración nos xulgados.
“Para acreditar a autoría do vídeo de 15 segundos que saíu publicado ao comezo, cando sucedeu todo, onde se ve un extracto da agresión”, indicou respecto dela.
Pola súa banda, a nai de Yoel Quispe, Yovana Gómez, asegurou que está “esnaquizada” e que leva “máis dun ano” esperando que se faga “xustiza” co seu fillo. “Cada día que pasa para min é o peor, unha parte da miña vida foise co meu fillo”, lamentou.
En relación a este caso, Fiscalía imputou formalmente delito de homicidio ao tres detidos, acusación á que se sumou no seu momento a familia que, no entanto, solicitou no marco da instrución máis probas ao entender que os feitos son constitutivos de asasinato.
Máis novas
Amigos e familiares de Yoel Quispe volven pedir “xustiza” nunha nova protesta nos xulgados
O tecido antirracista galego sae á rúa na Coruña para pedir xustiza para Henry e para Yoel
Detidas dúas persoas polo apuñalamento mortal de Yoel Quispe na Coruña
