A investigación policial realizada pola UDYCO (Unidade de Drogas e Crime Organizado) da Coruña saldouse coa detención este mércores de tres persoas, dúas mulleres e un home, por un delito de tráfico de drogas.

A investigación, iniciada hai meses, levou á identificación dun individuo como subministrador de certas cantidades de droga a outros vendedores da provincia da Coruña. A subministración destas sustancias realizábase mediante transporte por estrada e utilizando un vehículo particular para dito fin.

Segundo relatan nun comunicado, o xoves, membros da UDYCO, tras ter coñecemento do seu ‘modus operandi’, proceden á explotación operativa desta investigación. Así, este individuo e outras dúas mulleres son interceptados cando circulaban co referido vehículo. Unha vez supervisado o interior do mesmo, localízanse dous quilos de cocaína no seu interior, procedéndose por iso á detención dos seus ocupantes.

Seguidamente, realizouse un rexistro no domicilio do principal investigado, situado no concello de Cambre, onde se interviñeron outros dous quilos de resina de haxix, distribuído en varias placas. Este venres os detidos pasaron a disposición xudicial, decretando a autoridade xudicial o ingreso en prisión do home.