Os X Premio Concepción Arenal, convocado pola Deputación da Coruña, recoñeceu os traballos do Colexio Rural Agrupado (CRA) Ponte Pedra, de Carballo, e do Conservatorio Profesional de Música da Coruña.
Segundo informa o organismo provincial, ao certame, convocado para proxectos educativos pola igualdade de xénero, concorreron sete centros de ensino da provincia, nunha edición na que non se presentaron candidaturas na categoría de educación infantil.
O xurado destacou dos traballos ‘ArROUPAme na Igualdade’, do CRA Ponche da Pedra, “un proxecto técnico estruturado, claro e coherente, cun título creativo en simbiose cos obxectivos e actividades”.
Respecto de ‘Bravísimas! Mulleres na música’, do Conservatorio Profesional de Música da Coruña, recalca que é “un proxecto excelente en canto á calidade técnica que dá visibilidade as mulleres na música a través da súa historia, achegas e creacións, materializándose a través de talleres, concertos e outras actividades”.
