O Concello de Oleiros vén de anunciar que aprobará no próximo pleno o acordo necesario para solicitar á Xunta Xunta de Galicia poida realizar a declaración da feira Alfaroleiros como Festa de Interese Turístico.
Un evento que serve para apoiar un oficio tradicional e ao mesmo tempo potenciar o turismo e o consumo na hostalería e comercio da zona, nomeadamente de Santa Cruz.

Alfaroleiros é un dos eventos culturais máis significativos e relevantes que teñen lugar no municipio. A feira, que avoga pola conservación, mantemento e divulgación do oficio artesanal da olería, está considerada como unha das máis importantes do seu sector a nivel nacional, axudando a promover a cultura galega e a dinamizar o sector artesanal do país.