O goberno local da Coruña proporá na próxima Comisión de Honras o nomeamento da fundadora da asociación antidroga Antonio Noche e presidenta da Asociación de Amas de Casa Rosa Otero como “filla adoptiva” da cidade.
“Quedan moi poucos días para a conmemoración do 8-M, volveremos saír á rúa para seguir reivindicando a visibilización das mulleres en todos os ámbitos e é necesario facelo lembrando a figuras que foron e seguen sendo un referente neste sentido”, sinala a alcaldesa, Inés Rey.
Entre elas, cita a Rosa Otero á que sitúa como “un exemplo de valentía na loita dos dereitos das mulleres, especialmente das máis humildes”.
Ademais, na mesma Comisión está disposto que se aprobe, tal e como estaba previsto, o nomeamento de Ramón Núñez Centella, impulsor dos modelos científicos coruñeses, como ‘fillo predilecto’.
