Máis de 4 meses leva a veciñanza dos Mallos, da confluencia da glorieta La Paz coa rúa Vizcaia, sufrindo serios problemas de saneamento. Unha rotura dunha tubería leva provocando dende hai varios meses, filtracións de auga que subía pola arqueta e caía por toda a rúa.
Contan que durante as primeiras semanas as perdas de auga fecais ían acompañadas de papel hixiénico, pero que no último as augas xa viñan con excrementos, deixando un regueiro de insalubridade grave “coas cacas rodando pola rúa”.
Esta mesma mañá de venres, despois das numerosas queixas veciñais, unha brigada de obras realizaba traballos na zona, esperando que quede así solventada unha situación de penuria.
View this post on Instagram
Escape de Gas
Este mediodía rexistrouse na Coruña un escape de gas pola rotura dunha tubaxe durante unhas obras, aínda que sen maior incidencia xa que os técnicos da empresa encargáronse de reparar os danos.
Así o informaron desde o 112 que precisaron que foi á altura do 140 da rúa do Orzán. O servizo de emerxencias recibiu o aviso dun particular que avisaba de obras nun local situado debaixo dun edificio e que durante as mesmas danaron unha tubaxe que canalizaba o gas.
Ao lugar desprazáronse, por precaución, Urxencias Sanitarias 061. Tamén o fixeron os Bombeiros e efectivos da Policía Local e da Nacional.
No caso dos Bombeiros encargáronse de pechar a subministración, mentres que os técnicos encargáronse de arranxar os danos na tubaxe, sen maiores consecuencias.
