A alcaldesa da Coruña, Inés Rey, manifestou que a cidade terá a partir das doce desta noite “presupostos” para este ano, ao acabar esa hora o prazo para presentar unha moción de censura.
É o que tiñan os grupos da oposición, PP e BNG, para facelo ao non saír adiante a cuestión de confianza vinculada á aprobación do orzamento á que se someteu a rexedora, despois de que os nacionalistas anticipasen que non apoiarían as contas deste ano por “incumprimentos” en acordos no exercicio pasado.
Mentres, cuestionada, na rolda de prensa que ofreceu este martes, polas 20 propostas presentadas por entidades e organizacións para o deseño da fachada marítima, agradeceu a participación “tan inmensa”.
“Aínda faltan, cando estean todas, poderei comentar”, dixo para remarcar, no entanto, que o número de propostas é “unha mostra da importancia que ten o proxecto para a cidade e para a cidadanía”.
A cuestión de confianza vinculada aos Orzamentos non sae adiante
Villoslada: “É moi preocupante a falta de diálogo do Goberno municipal para acordar os orzamentos”
