A asemblea de socios e socias da Comisión pola Recuperación da Memoria Histórica (CRMH) da Coruña acordou nomear a María Carmen Seijas como Republicana de Honra 2025.
A distinción será entregada durante os actos que a CRMH da Coruña ten programados en torno ao Día da República no mes de abril e que inclúen unha recepción institucional no Concello da Coruña e unha ofrenda floral a vítimas do franquismo.
María del Carmen Seijas naceu o 12 de abril de 1925 e cumprirá, segundo a CRMH da Coruña, o día da Cea da República, os cen anos.
Coñecida como Maruxa, traballaba xa con once anos limpando peixe e viviu a época da República e as posteriores consecuencias coa chegada da ditadura, tamén na súa contorna familiar, o que se divulgará con motivo deste recoñecemento.
