Un home tivo que ser rescatado polos Bombeiros da Coruña tras caer nun noiro de cinco metros de altura nunha zona en obras preto do Complexo Hospitalario Universitario da Coruña (Chuac).

Segundo informaron os bombeiros da cidade herculina, os feitos ocorreron sobre as 06.45 horas deste martes. Tal e como detallaron os efectivos desprazados ao momento, o home aparentemente non viu as indicacións e dirixiuse camiñando por unha banda peonil sen saída que terminaba nun noiro de material e pedras soltas que tiña unha profundidade dusn cinco metros. Ademais, o home non podía saír polo seu propio pé e presentaba lesións leves debido á caída.