InicioBARRIOSA Asociación de Profesionais da Xestión Cultural critica que a reurbanización dos...

A Asociación de Profesionais da Xestión Cultural critica que a reurbanización dos Cantóns afecta á zona de carga do Teatro Colón

Publicada o

Por Ubaldo Cerqueiro

Xa o denunciaba o BNG esta semana, despois do comezo das obras de reurbanización dos Cantóns. “O proxecto elimina a zona de carga e descarga dos teatros Colón e Rosalía, unha área de servizo imprescindíbel para estes equipamentos culturais tan importantes na nosa cidade”, sinala o grupo da oposición en relación á nova liña de árbores que se instalará na rúa Manuel Casás.

A esta queixa súmase a Asociación de Profesionais da Xestión Cultural que vén de rexistrar no Concello un escrito apuntando o que entenden como “un grave erro por descoñecemento dos equipos de urbanismo/arquitectura do que supón para un teatro como o Colón a súa Area de Carga e descarga para poder realizar un espectáculo en condicións dignas para persoal técnico e artistas”.

”Non buscamos ningún tipo de polémica, simplemente que sexan conscientes de que están xerando un grave problema para, por citar un exemplo, que espectáculos como o musical Chicago coa súa gran montaxe deixen de facerse no Colón. É incompatible con ducias de autobuses e miles de usuarias ao días na mesma rúa. E un perigo real de accidente. Son vehículos grandes en moitas ocasións que teñen que circular marcha atrás. E que ao longo do día dun evento é frecuente que vaian chegando diversos vehículos a horas diferentes (montaxe, técnicas, artistas convocados a diversas horas)”, explican.

A entidade lembra ademais que “a delegación de RTVE en Galicia vaise trasladar ao edificio de Correos e tamén que as persoas que usan a diario o edificio de Correos para os seus envíos vaise atopar cunha rúa colapsada polos buses metropolitanos e os seus usuarios”.

Máis novas

Así será a reurbanización dos Cantóns

ÚLTIMAS

A nova licitación do Master Plan da Fachada Marítima: un golpe ou unha oportunidade

Anunciábase onte que o Tribunal Administrativo Central de Recursos Contractuais vén de obrigar a...

Catro novas estacións de BiciCoruña para celebrar a apertura da Semana Europea da Mobilidade

Arrincou na praza de Pontevedra a Semana Europea da Mobilidade, baixo o lema 'Mobilidade...

A Consellería négase a desdobrar dúas aulas masificadas nos CEIP María Barbeito e Cerviño e CEIP Alborada

A CIG denuncia ratios “disparatadas” en diferentes centros de ensino da comarca da...

Máis de 35.000 cartas sen repartir: A “insostible” situación de Correos na Coruña

Non calma a situación nas oficinas de Correos da cidade. Despois de meses de...

DEIXAR UN COMENTARIO

Please enter your comment!
Please enter your name here