Un 0,9% medrou a poboación coruñesa no último ano, segundo reflicten as cifras do Instituto Nacional de Estatística (INE), referida ao 1 de xaneiro de 2025. Somos xa 251.481 habitantes (2.220 máis que o ano pasado), superando os 250.000 por primeira vez en máis de dúas décadas e se acada así a maior cifra demográfica desde os anos 90.

Segundo os rexistros do INE, A Coruña vén experimentando un crecemento continuo da súa poboación nos últimos cinco anos, o que supón un cambio de tendencia respecto ao estancamento que marcara anos anteriores.