A sociedade xestora da Cidade das TIC comezou a funcionar ao constituírse este xoves coa celebración da primeira sesión ordinaria do seu consello de administración.

Foi nun acto no que participaron a alcaldesa, Inés Rey, e o reitor da Universidade da Coruña (UDC), Ricardo Cao, “e que abre camiño á folla de ruta exposta polo Concello e a Universidade da Coruña”.

“Co obxectivo de dinamizar e impulsar o polo tecnolóxico de Pedralonga”, expón o consistorio coruñés nun comunicado tras unha sesión que tivo lugar na Sala Cluster TIC do Centro de Servizos Avanzados.

O mesmo permitiu concretar a organigrama que encabezará o consello de administración nesta primeira etapa. Será o reitor da UDC, Ricardo Cao, quen ostentará a presidencia ata finais de ano xa que a comezos de 2026 collerá a testemuña a alcaldesa herculina.