Unha persoa foi rescatada durante a noite deste domingo tras declararse un incendio na súa vivenda do barrio da Sacra Familia da Coruña. Segundo apuntan os Bombeiros da Coruña, a persoa atopábase insconsciente no interior dunha habitación na que ardía o contido dun armario roupeiro.
A vivenda, situada na Rúa de San Jaime, tiña un par de xanelas lixeiramente abertas e o fume alertou a un veciño doutro inmoble situado enfronte que deu a voz de alarma. Tras extinguir o lume, ventilaron a zona afectada. Os feitos ocorreron ao redor das 23.55 horas.
