O paseo do Parrote acolleu o acto conmemorativo polo 25 aniversario da Asociación Dano Cerebral da Coruña (Adaceco) no que participaron membros da mesma e autoridades.

Nel, a alcaldesa, Inés Rey, acompañada polas concelleiras Nereida Canosa e Yoya Neira, destacou á entidade como un alicerce fundamental para o tecido social da cidade e a súa área metropolitana.

O acto contou coa presenza doutras autoridades como a subdelegada do Goberno na Coruña, María Rivas, e a delegada da Xunta, Belén do Campo.

A media mañá, centos de persoas formaron un número 25 xigante na esplanada do Paseo, unha acción simbólica concibida para visibilizar as súas demandas e as súas actuacións.