Dúas persoas, un home e unha muller, foron detidas como autores dun delito de tráfico de drogas no marco dunha operación de loita contra a venda de estupefacientes a pequena escala na cidade da Coruña, segundo informa a Xefatura Superior de Policía de Galicia.

A operación iniciouse por mor das informacións dos veciños do barrio de Penamoa. As mesmas relataban unha trasfega cara a unha vivenda de mozas de aspecto toxicómano e tamén os breves encontros cos moradores desta residencia.

Tras uns meses de investigacións, procedeuse á detención no día de onte, dos moradores da vivenda, un home e unha muller, e realizouse un rexistro no domicilio, con dificultades por varios cans que custodiaban a vivenda polo que os axentes tiveron que recibir o apoio de unidades policiais especializadas para realizar a entrada.

Como resultado deste rexistro, procedeuse á incautación de varias doses de cocaína dispostas para a venda (70 gramos en total), máis de 6.000 euros en efectivo procedentes da venda dos estupefacientes e unha pistola de fogueo. O xulgado decretou o ingreso en prisión dun dos detidos.