As obras da reforma integral da avenida de Santa Cristina, en Oleiros, estarán terminadas en maio “con todos os detalles”.

Así o manifestou o presidente da Deputación da Coruña, Valentín Gonzalez Formoso, durante a súa visita ás mesmas, na que estivo acompañado polo alcalde deste concello, Anxo García Seoane.

“É unha revitalización de Santa Cristina que xa se necesitaba”, apuntou respecto desta actuación que contou cun investimento por parte do ente provincial de 1,7 millóns de euros e na que, segundo sinalou, “queda aínda obra importante” por facer.

Na mesma liña, García Seoane destacou que este traballo supón un “cambio total” para o municipio que, ademais, está a apostar por unha “hostalaría boa”. “Queremos calidade non cantidade”, recalcou o rexedor.