O Concello da Coruña recibiu este martes os olmos resistentes á grafiosis que se plantarán para reabrir o xardín de San Carlos “durante esta primavera”.
Segundo informa, estas árbores proceden dun viveiro especializado en Van der Berk, nos Países Baixos, e son “exemplares de gran porte, con ata oito metros de altura e un calibre que oscila entre 30 e 35 centímetros”.
O consistorio, engade, presentou a Patrimonio “semanas atrás” o proxecto específico do Plan de Rehabilitación Integral dos xardíns de San Carlos e espera obter “proximamente” os permisos do devandito departamento da Xunta para poder plantar os novos exemplares.
