A Audiencia Provincial da Coruña ratificou unha sentenza do Xulgado de Primeira Instancia número 10 desta cidade tras desestimar as pretensións dunha nai en relación a aspectos sobre o traslado do seu fillo a outra cidade e dá por bo, sen entrar nesa cuestión, o fixado en relación a outros aspectos como os gastos de manutención do can a partes iguais. En concreto, a nai, tras o divorcio fixado por sentenza, expuña cuestións vinculadas ao fillo, como o traslado o domicilio do menor a Valencia sen entrar noutras consideracións no seu recurso como o coidado do can, condicións fixadas polo Xulgado de Instancia.

En concreto, estableceu a estancia da mascota familiar co home nas vacacións de verán nos períodos de tempo nos que o fillo se atope en compañía da nai. Ademais, os gastos de alimentación do can serán satisfeitos por cada un dos donos durante os períodos de tempo que se atope na súa compañía, con pago ao 50 % doutros gastos extraordinarios. Tamén fixa unha contribución de 25 euros mensuais aos gastos de alimentación da citada mascota por parte do exmarido. Xa sobre o fillo, a Audiencia Provincial da Coruña estima proporcionado a fixación de corenta días anuais para visitas, coa limitación de non acumular máis de quince días nun mes, como parte das cuestións abordadas no recurso.