O Mareira Fest prepárase para a súa nova edición, que terá lugar o vindeiro sábado, 26 de abril, na Coruña. A música post-rock, post-metal, industrial e electrónica experimental daranse cita por fin na Sala Pantalán (Praia de Oza, nº1). Por motivos alleos á organización, a dirección viuse obrigada a cambiar de sede para que o festival poida levarse a cabo e manter así o seu compromiso co público e coas 13 bandas que formarán parte do cartel.
Mareira Fest é un evento 100% independente e autoxestionado promovido polo Colectivo Mareira e apoiado por Cervezas Alhambra.
A nova edición do evento, que ofrecerá máis de 10 horas de música e contará con máis de 30 artistas de 13 proxectos musicais, preséntase como a máis ambiciosa ata o momento. Despois de 15 anos programando os sons máis extremos e mantendo sempre fiel á súa identidade, Mareira Fest ofrecerá un programa de pequeno formato coidadosamente comisariado e limitado a 300 persoas.
Ademais do habitual servizo de bar, haberá un food truck vexetariano de Vanetta Food con produtos galegos e a música soará
As entradas para asistir ao evento están á venda desde 30€ na plataforma Entradium.com. O día do evento, o prezo de taquilla será de 35€.
HORARIOS MAREIRA FEST 2025
- 16.00h – Fouce
- 16.45h – Al final solo habrá cenizas
- 17.30h – Unamoto
- 18.05h – Black & Blue
- 18.35h – Santacreu + Lys Morke
- 20.20h – Black Pyramid
- 21.10h – Sangre de Muérdago
- 22.00h – Ritual da queimada
- 22.20h – Moura
- 23.30h – Maquina.
- 00.40h – Death Whistle
- 01.00h – Arden Lux
- 02.15h – Viernes y Furia
Máis novas
