Completa xornada de promoción da ciencia nos centros de ensino a vivida este sábado na Domus. A Feira Imaxina Coruña 2025 congregou este sábado a centos de persoas, aproveitando a entrega dos Premios Imaxina.
Déronse conta dos 14 proxectos finalistas desenvoltos por 56 estudantes de oito centros educativos da cidade, todos eles baixo o lema ‘Auga limpa, futuro sostible’.
Os centros gañadores foron o IES Isaac Díaz Pardo, IES Puga Ramón e IES Rafael Dieste, que recibiron os seus premios antes do espectáculo científico de divulgación titulado ‘Explorando o cerebro’, a cargo de David Ballesteros, que obtivo unha excelente acollida.
O premio inclúe material dixital, 500€ para gasto en material de laboratorio e a viaxe ao País Vasco para participar na feira científica Zientzia Azoka que se desenvolve en Bilbao.
O IES Rafael Dieste
“Amor de auga lixeira” é unha nova iniciativa cultural xurdida no seo do IES Rafael Dieste, responsable tamén do Aquí tamén se fala, que procura a reivindicación e recuperación das fontes tradicionais da cidade.
O proxecto, que envolve sete departamentos académicos do Instituto Rafael Dieste, baixo a coordinación da profesora Mónica Reixía, vén de gañar o galardón “Imaxina” en recoñecemento ao seu compromiso social.
O proxecto inclúe varias aristas: a análise da calidade das augas e o seu estudo de potabilidade, asi como a creación de contidos dixitais, a catalogación patrimonial ou elaboración de roteiros.
Coa participación de todo o alumnado de 3º da ESO, o xurado destacou o seu compromiso coa defensa da Arqueta dos Frades mantendo o seu espazo orixinal así como a posibilidade do seu uso, así como o conxunto do traballo desenvolvido que se publica na web: amordeaugalixeira.com e que continúa ampliando o seu repositoro.
IES Isaac Díaz Pardo
Os tres proxectos desenvolvidos polo alumnado do Club de ciencia do centro sadense, acadaron tres dos cinco premios que se outogaron.
- O premio ao mellor vídeo para o proxecto “O río, noso veciño”
- A mención especial ao proxecto “Inversión de futuro”
- Premio á sostibilidade ao proxecto “Recuperando a auga perdida”.
Máis novas
O IES Rafael Puga Ramón e Agra do Orzán e os CPR Eirís e As Escravas gañan os premios Imaxina 2024
“O Dépor é da Coruña”, o novo reto normalizador do #Aquítaménsefala
