Unha muller tivo que ser trasladada ao Complexo Hospitalario Universitario da Coruña ao sufrir síntomas de intoxicación por inhalación de gas na cidade herculina. A muller atópase con osíxeno tras inhalar gar.`Segundo informa o 112 Galicia, os feitos ocorreron minutos antes das 20.00 horas e foi un particular o que alertou ao Centro Integrado de Atención ás Emerxencias de que había un forte cheiro a gas no portal dun edificio da rúa Antonio Ríos.

Por iso, puxéronse en marcha os protocolos para a posterior mobilización dos recursos necesarios, acudindo os bombeiros da Coruña e axentes da Policía Local á zona. Máis tarde, os profesionais tiveron coñecemento de que unha muller presentaba mareos, síntomas compatibles cunha intoxicación por gas, polo que persoal de Urxencias Sanitarias de Galicia-061 trasladárona ao hospital. Así mesmo, os bombeiros realizaron as medicións oportunas e comprobaron o estado da instalación.