A alcaldesa da Coruña, Inés Rey, incidiu na importancia de que o galego “se expanda máis aló das aulas” nunha nova edición do Correlingua, que se celebrou na cidade coa participación de 2.200 alumnos e alumnas de diferentes centros educativos da urbe e a súa contorna.

As persoas participantes realizaron un percorrido a pé desde o Palacio dos Deportes ata a Torre de Hércules con pancartas en defensa do uso do galego.

“Ver os centros de todo a contorna aquí reunidos é unha proba clara de que hai unha xeración que non lle dá as costas ao galego”, aseverou a rexedora.

Na súa intervención, reivindicou tamén a necesidade de que o galego “se expanda máis aló das aulas”. Foi nun acto con presenza da actriz Isabel Risco e coa actuación musical de Pauliña.