O corpo dun home apareceu este mércores dentro dun colector de papel na Coruña, segundo informa o servizo de emerxencias 112. Pola súa banda, a Policía Nacional confirmou a apertura dunha investigación. A chamada de alerta recibiuse no 112 ao redor das 11.30 hroas deste mércores nunha planta de xestión de residuos da cidade herculina, na zona de Penamoa.

En concreto, explicaron que atoparon o corpo dun home no interior dun colector de recollida de papel e cartón. Os xestores do centro de emerxencias solicitaron a intervención de Urxencias Sanitarias de Galicia-061 e dos axentes da Policía Local e Nacional. Estes confirmaron a localización do corpo polo que agora abriuse unha investigación en relación ao sucedido e estase á espera tamén do resultado da autopsia para determinar, entre outras cuestións, se foi unha caída accidental ou non. Trátase do segundo caso rexistrado nos últimos meses despois de que en decembro se localizase outro corpo, o dun home duns 40 anos de nacionalidade marroquí, nunha planta de xestión de residuos na zona de Nostián.