A Audiencia Provincial da Coruña xulgará o vindeiro mércores e xoves a un home que se enfronta a cinco anos e seis meses de prisión por dous delitos de homicidio por imprudencia grave. Segundo o escrito de Fiscalía, os feitos ocorreron o 24 de decembro de 2020 cando o acusado circulaba pola avenida de Finisterre a unha velocidade de 124,99 km/h.

O vehículo no que circulaba o matrimonio, que saía da cidade, quixo fai un cambio de sentido e foi arroiado polo turismo do procesado, no que ían como ocupantes a súa parella e o fillo menor dela. Como consecuencia da “violenta colisión” o condutor, de 68 anos, perdeu a vida horas despois do accidente e a súa muller, de 67 anos, faleceu no acto.

Por todo iso, o Ministerio Público solicita para o home unha pena de cinco anos e seis meses de prisión por dous delitos de homicidio por imprudencia grave, así como oito anos de privación do dereito a conducir vehículos a motor e ciclomotores.