O peirao de Calvo Sotelo permanece pechado ao acceso público con motivo do comezo dos traballos de montaxe dos concertos que están programados no recinto, informa a Autoridade Portuaria da Coruña.

En concreto, o espazo albergará os concertos de Leiva, o sábado 12 de xullo; Marc Anthony, o día 13 (domingo); Arde Bogotá, o sábado 19 de xullo e a Morriña Fest, o 25 e 26 de xullo. O ano pasado foron Roube Iniesta e Luís Miguel quen actuaron na zona portuaria por estas mesmas datas.

Debido ao comezo dos traballos de montaxe dos escenarios, servizos de hostalaría, medios audiovisuais e demais elementos propios dos espectáculos, o acceso ao peirao xa está pechado ao acceso peonil.

Está previsto volver abrilo ao uso cidadán en canto termine o desmonte dos eventos programados para a época estival. O peirao de Calvo Sotelo está aberto aos coruñeses desde o mes de novembro de 2022, unha vez que deixou de ter tráfico de mercadorías.