Un motorista perdeu a vida este mércores tras chocar contra un turismo na estrada N-651, ao seu paso polo municipio coruñés de Miño.

Segundo trasladou o 112 Galicia, o suceso produciuse sobre as 14.30 horas. Nese momento, varios particulares e o sistema ‘eCall’ instalado no coche alertaban deste sinistro no quilómetro 14 da citada vía.

Ata o lugar desprazáronse efectivos do Servizo de Urxencias Sanitarias de Galicia-061, Bombeiros de Betanzos e axentes da Garda Civil de Tráfico.

Os servizos mobilizados non puideron salvar a vida do motorista, mentres que no turismo, en cambio, ningunha persoa sufriu danos.