O ‘Novo Chuac’ será unha realidade en 2031 de acordo co novo calendario, concretado por Xunta e Concello herculino. Así o informaron os seus responsables tras unha reunión da comisión de seguimento na Coruña.
Con presenza de representantes dos departamentos autonómicos de Planificación de Infraestruturas e de Sanidade, así como do consistorio, o mesmo serviu para abordar a execución das obras e concretar prazos, ante os atrasos denunciados polo consistorio no seu momento respecto dos inicialmente anunciados.
Ao termo da mesma, a conselleira de Vivenda e Planificación de Infraestruturas, María Martínez Allegue, lembrou que a demolición do Hotel de Pacientes estará concluída este ano e que o prazo para a conclusión dos accesos será a mediados de 2027, con tráfico alternativo durante o tempo que duren as obras.
DIFICULTADES
Da Torre Polivalente, incidiu en que a escavación está a serserá unha realidade en 2031 de acordo co novo calendario, concretado por Xunta e Concello “máis complicada do previsto” con “microvoladuras”. “Son traballos que teñen unha profundidade de 20 metros de focha”, sentenciou. Pola súa banda, o portavoz do goberno local coruñés, José Manuel Lage, ofreceu a “máxima cooperación” e asegurou que a comisión responde á demanda municipal ante os atrasos.
Mintas destacou que o que se concretaron prazos, o horizonte de 2031 para o ‘Novo Chuac’, que cualificou de “estratéxico” e tamén o que se acordase convocar comisións de seguimento dúas veces ao ano.
ACTUACIÓNS
En relación a esta obra, a Xunta licitará por máis de 400 millóns de euros as obras da segunda fase. A Administración autonómica prevé licitar estes traballos no primeiro semestre de 2026.
En canto á Torre Polivalente, terminará en decembro para empezar despois a estrutura da nova edificación, que se estima estará lista a mediados de 2027.
Na obra dos accesos, prevese que en Semana Santa procédase á demolición do viaduto da AC-12 para avanzar no anel perimetral, tendo xa certificados o 98% do investimento comprometido para este ano. As obras da segunda fase, que se licitarán o próximo ano, terán un prazo de execución de 60 meses.
