A cuarta xornada de folga no sector do transporte por estrada paralizou os autobuses da provincia da Coruña nun venres de operación saída de Nadal.
O responsable de CIG Transportes, Ernesto López Reiy, explicou que este venres se vive un novo día de protestas con “tranquilidade” e “con seguimento maioritario como o tres días anteriores”.
Os piquetes impediron que circulen autobuses nas principais estacións da provincia e de novo centos de pasaxeiros quedáronse sen poder as súas viaxes.
López Rey explica que non houbo ningún avance a convocatoria de mediación do pasado xoves, xa que explica que as patronais “se levantaron e marcháronse” coa “desculpa dalgunha incidencia que se produce en todas as folgas”. Denuncia que abocan a negociación a “un canellón sen saída”.
O sindicalista da CIG advirte de que agora traballarán nun calendario con UXT e CC.OO. para “endurecer” as protestas, coa posibilidade de “contemplar” que acabe desembocando en “unha folga indefinida”.
Así mesmo, os piquetes volveron a impedir este venres a saída dos servizos mínimos do bus urbano de Santiago de Compostela.
Os traballadores demandan melloras salariais e de conciliación tras catro anos co convenio caducado. Reclaman unha redución de tempo de condución e limitación de xornadas que consideran abusivas.
