Dúas persoas resultaron intoxicadas por inhalación de fume tras arder unha campá extractora nunha vivenda situada na rúa Juan Díaz Porlier, na Coruña.

Segundo a información do 112 Galicia, o suceso produciuse sobre as 20.00 horas do mércores cando unha persoa deu a voz de alarma e indicou que lle ardía a campá da cociña, que lle prendeu lume na tixola. Ademais, indicou que estaban sen luz e que non había ninguén afectado.

Con todo, tras dar aviso aos Bombeiros e darlle indicacións de como actuar ao alertador, durante a conversación, a persoa afectada comunicou que o lume se reproduciu.

Unha vez no punto, os Bombeiros solicitaron asistencia sanitaria por inhalación de fume para dúas persoas que se atopaban na vivenda.

No operativo, ademais dos bombeiros, participaron os profesionais do Servizo de Urxencias Sanitarias de Galicia-061, a Policía Local e a Agrupación de Voluntarios de Protección Civil.