A Deputación da Coruña e o Centro de Investigación en Tecnoloxías da Información e as Comunicacións (CITIC) da Universidade dá
aCoruña (UDC) puxeron en marcha un novo programa formativo sobre Intelixencia Artitificial Generativa, dirixido a estudantes de Educación Secundaria Obrigatoria e Bacharelato da provincia.
A deputada de Educación, Yoya Neira, e o subdirector do CITIC da UDC, Javier Pereira, inauguraron a iniciativa no IES Agra do Orzán, da cidade herculina, acompañando ao alumnado nas primeiras prácticas con ferramentas de IA.
O programa, impulsado pola Deputación da Coruña en colaboración co CITIC, desenvolverase en 20 institucións da provincia e está destinado a alumnado de 4º da ESO e Primeiro de Bacharelato.
O obxectivo, engade, é “achegar competencias básicas en Intelixencia Artificial Generativa aos mozos, facilitando o coñecemento e o uso de ferramentas como ChatGPT, Gemini ou HuggingChat, á vez que se fomenta unha reflexión crítica sobre o seu emprego ético, seguro e responsable”.
