O aeroporto de Alvedro, na Coruña, rexistrou este luns varios desvíos de voos e cancelacións por “meteoroloxía adversa”, confirmaron a Europa Press desde Aena. Isto despois de que á primeira hora da mañá se rexistrase unha espesa néboa que cubriu toda a contorna durante varias horas.

Segundo precisaron, un voo de Vueling, con ruta Barcelona-A Coruña, tívose que desviar a Santiago. O seu voo asociado cancelouse, con saída prevista desde a capital galega. Outro voo de Air Europa, con ruta Madrid-A Coruña, desviouse a Madrid de novo. O seu voo asociado cancelouse. Á súa vez, outro voo de Iberia, con ruta Madrid-A Coruña, desviouse a Santiago. Mentres, o seu voo asociado cancelouse.