A Universidade da Coruña (UDC) conmemorará o Día Internacional da Muller cun programa de actos, exposicións e actividades formativas, que podedes ollar dende a súa web.

Os actos institucionais centrais celebraranse o vindeiro venres, día 6, no campus de Elviña, e o día 9 no de Ferrol, explica.

A programación comezará, no entanto, antes. Será este mércores, día 4, nas facultades de Socioloxía e de Economía e Empresa e prolongarase ata o 12 de marzo cunha xornada na Escola Técnica Superior de Arquitectura.

A mesma inclúe desde exposicións, seminarios e charlas ata talleres infantile, todo iso, engade, co obxectivo de “impulsar o talento feminino”.

Ademais, o venres a Casa do Estudiantado acollerá o acto central coa lectura dun manifesto e a presentación dun balance sobre o plan de igualdade na UDC.