O festival de deseño Galicia Design celebrará unha nova edición na A Coruña do 14 ao 23 de maio, cunha programación centrada en visibilizar o talento emerxente do deseño galego. Un dos eixos principais será a exposición #novodeseñogalego, unha mostra que entende o deseño no seu sentido máis amplo, reunindo diferentes formas de crear e de pensar esta disciplina. A exposición poderá visitarse no centro da cidade durante os días do festival.

Nos últimos anos participaron nesta iniciativa numerosos nomes do panorama creativo galego, entre eles Aldea Atelier, Arancha Brandón, Brutto, Cotbar, David Méndez Alonso, Gramática Arquitectónica, Lixo, Lucía Otero, Melania Freire, NWHR, María Fandiño, Petreo Studio, Proxecto Bolina, Ro Ledesma ou Sara Regal, entre outros.

Ademais, desde este luns queda aberta a convocatoria para participar na nova edición de #novodeseñogalego, dirixida a deseñadoras e deseñadores galegos ou residentes en Galicia con menos de cinco anos de experiencia profesional. A iniciativa busca dar visibilidade ás novas xeracións creativas, ofrecéndolles un espazo para mostrar os seus proxectos nun dos eventos de referencia do deseño en Galicia.