Mellor Álbum do ano, Mellor actuación en directo e Mellor álbum pop. Con 3 dos galardóns máis importantes saía esta pasada noite Carlos Ares da 18ª edición dos Premios MIN, organizados pola Unión Fonográfica Independente (UFi).
A cita, celebrada en Córdoba, reuniu unha vez máis á industria musical independente para celebrar o gran talento da escena nacional.
O herculino foi, xunto con Valeria Castro, os maiores gañadores do festival deste ano, levando cada un tres premios.
Co seu álbum “La boca del lobo”, Ares gañou o Premio ONErpm ao Álbum do Ano e o Premio AGEDI ao Mellor Álbum Pop, ademais do Premio INGRESSE á Mellor Actuación en Directo pola súa actuación na Plaza del Trigo durante Sonorama Ribera.
A canaria foi recoñecida co Premio AIE ao Mellor Artista, o Premio MIN 2026 ao Mellor Álbum de Música Folk por “El cuerpo después de todo” e o Premio Radio 3 á Canción do Ano por “Tiene que ser más fácil”.
Pero houbo outros dous premios galegos: De Ninghures recibiu o Premio MIN 2026 ao Mellor Álbum en Galego; mentres que Baiuca e Izaro o Premio SAE Madrid á Mellor Produción Musical.
Máis premios
Quique González recibiu o Premio MIN 2026 ao Mellor Álbum de Rock polo seu álbum “1973” e o Premio MIN 2026 á Mellor Letra Orixinal por “Terciopelo Azul”.
O Premio MIN 2026 ao Mellor Artista Emerxente foi para Sanguijuelas del Guadiana. O Premio do Público foi para Incendio de Brock Ansiolitiko, e o Premio MERLIN ao Mellor Artista Internacional gañouno a lendaria banda Pulp.
Este ano, o Premio Honorífico Mario Pacheco foi outorgado a Ana Curra, unha das figuras máis destacadas da escena madrileña dos anos oitenta.
Complétan a lista de gañadores Rocío Márquez e Pedro Rojas Ogáyar (Premio MIN 2026 ao Mellor Álbum Flamenco); Lia Kali (Premio MIN 2026 ao Mellor Vídeo Musical); Juicy Bae (Premio MIN 2026 á Mellor Gravación de Música Urbana); e GAZZI (Premio MIN 2026 á Mellor Gravación Electrónica). Júlia Colom (Premio MIN 2026 ao Mellor Álbum en catalán); Merina Gris (Premio MIN 2026 ao Mellor Álbum en éuscaro); Rufus F. Firefly (Premio Marilians ao Mellor Deseño Gráfico); Pablo Martín Caminero e David Carpio (Premio Fundación SGAE ao Mellor Álbum de Jazz); e Concerto 1700 (Premio MIN 2026 ao Mellor Álbum Clásico);
Todo isto tivo lugar nunha gala que se puido seguir en directo desde a casa grazas á transmisión de vídeo na web e na aplicación de Radio 3, así como en RTVE Play, e onde a música en directo tamén foi un punto culminante coas actuacións en directo de Rufus T. Firefly, Queralt Lahoz, Sanguijuelas del Guadiana, Çantamarta, Ruth, Vera Fauna e Las Rodes.
Máis novas
Carlos Ares e Gandy serán recoñecidos nos Premios da Industria Musical de Galicia
