O concelleiro de Cultura e Turismo do Concello da Coruña, Gonzalo Castro, insistiu na importancia dunha “posición conxunta” entre Xunta e as cidades de Vigo e Santiago, ademais da herculina, para a captación de voos nos aeroportos galegos.

A preguntas dos xornalistas, na presentación dos XXX Premios de Teatro María Casares, e despois de que o director de Turismo de Galicia, Xosé Manuel Merelles, reprochase unha “visión localista” a este respecto, o edil indicou que desde o goberno local séguese traballando no que compete a este respecto.

“Buscar o marco máis adecuado en materia de conectividade aérea”, insistiu para engadir que o obxectivo é ofrecer unha “posición conxunta”. Así, defendeu que se está facendo “unha análise obxectivo e rigoroso da situación actual”.

Todo coa intención de ter destinos “que sexan interesantes” e para a captación de “visitantes e turistas para a cidade”. Tamén dixo co obxectivo de que as empresas e o tecido económico teña “unha maior competitividade”.