Zucchero, voz icónica do rock blues italiano, actuará o 2 de outubro no Palacio da Ópera da Coruña con motivo da súa xira mundial Overdose d’Amore Gold.
Este concerto, tal e como informou a organización, abrirá a terceira edición do ciclo A Coruña Live Xperience by CaixaBank, organizado por Cávea Producións e Terra Music.
As entradas sairán á venda este mércores, día 27 de maio, a partir das 11,00 horas en Ataquilla.com e no despacho da praza de Ourense, con prezos que oscilan entre os 50,00 euros e 70,00 euros, máis gastos.
Con máis de 60 millóns de discos vendidos en todo o mundo e dentro da súa nova xira mundial Overdose d’Amore Gold, o artista segue demostrando que o seu momento de plenitude é incombustible.
