O Concello da Coruña e a Federación de Anpas promoven actividades extraescolares con participación de máis de 2.600 alumnos e alumnas, segundo informou a alcaldesa, Inés Rey, acompañada por representantes da entidade e o concelleiro de Educación, Juan Ignacio Borrego.

En rolda de prensa, Rey precisou que o proxecto educativo e cultural Chorus, promovido polo consistorio, incorporarase o próximo curso á programación Lecer Educativo, impulsado en colaboración coa citada Federación.

A programación de Lecer Educativo susténtase en cinco eixos. Un deles é o programa Cóxegas, que ofrece unha solución para a conciliación familiar e laboral no propio centro educativo ao longo de tres semanas no mes de setembro.

Os participantes tomarán parte en xogos, actividades deportivas e lúdicas e tamén noutro tipo de propostas que buscan promover normas de convivencia e hábitos, ademais de fomentar o desenvolvemento cognitivo, psicomotor e social.

Máis novas

As familias saíron á rúa para denuncian o abandono estrutural do ensino público e o ridículo dos nosos responsables políticos

Outras novas das ANPAS