Continúan as mobilizacións das traballadoras e traballadores do comercio. Onte, no marco da súa acampada, concentráronse este mediodía diante da sede da patronal coruñesa para reclamar a firma dun acordo interprofesional que blinde a prevalencia aplicativa dos convenios provinciais do sector sobre o convenio estatal ARTE que se está negociando en Madrid.
A protesta enmárcase no calendario de mobilizacións e folgas que o persoal está a desenvolver “contra a imposición”, sosteñen, deste novo convenio, promovido pola patronal ARTE, na que están agrupadas grandes multinacionais.
Tamén coincidiu coa primeira do tres reunións da mesa de negociación programadas para os días 27 e 28 de maio e 2 de xuño en Madrid.
Desde a CIG rexeitaron o novo convenio, “impulsado por multinacionais que gañan miles de millóns de euros e que significaría precariedade e recortes nas condicións laborais, salariais e sociais das traballadoras e traballadores do sector”.
Máis novas
O persoal do comercio vario inicia unha acampada na Coruña para blindar os convenios provinciais
Delegados do comercio variado péchanse na patronal coruñesa contra o convenio estatal do téxtil
