Un home de 48 anos de idade foi rescatado este sábado tras caer nunha zona de rochas da praia dos Mouros, en Adormideras, na Coruña, e fracturarse a cadeira. Segundo informou o CIAE 112, o suceso tivo lugar sobre as 11:15 horas, cando a Policía Nacional alertou de que o home caera e non podía levantarse.
Ao momento desprazáronse os bombeiros, que colaboraron cos Servizos de Urxencias Sanitarias para transportar o home en padiola ata a ambulancia. No operativo participou a Policía Nacional e a Autonómica.
