Unha xornalista do medio dixital Quincemil resultou ferida ao recibir o impacto dun petardo durante a manifestación do sector do metal na Coruña. A isto ela respondeu que estaba a traballar no momento en que recibiu o impacto do petardo, que lle provocou unha ferida nunha xema da perna, ademais de sufrir nese intre, segundo o seu propio relato, un ataque de ansiedade.
Tras coñecer o sucedido, a Xunta de Goberno do Colexio de Xornalistas de Galicia (CPXG) condenou “o lanzamento de petardos contra unha xornalista na manifestación do metal hoxe en A Coruña”. Fixérono a través das redes sociais para subliñar que “a agresión por parte dos manifestantes, deliberada e precedida de insultos machistas cara á profesional, supón un ataque intolerable contra a liberdade de prensa”.
Concretamente, os feitos producíronse cando a manifestación en A Coruña, no contexto dun paro de 24 horas no sector na provincia coruñesa, discorreu pola zona do puente da Pasaxe en dirección á cidade, é dicir, no inicio da mesma e cando avanzaban para chegar ata a sede da patronal. Cando esta profesional exercía a súa tarefa, escoitou “niñata únete”, ao que ela respondeu “estou a traballar”. Posteriormente, recibiu o impacto dun petardo que lle acertou na xema da perna, provocándolle unha ferida.
Cando esta profesional exercía o seu traballo, escoitou “niñata únete” ao que ela respondeu cun “estou a traballar”. Posteriormente, recibiu o impacto dun petardo que lle deu no xeonllo, provocándolle unha ferida.
COMUNICADO DA CIG, UGT E CCOO
Os sindicatos CIG, UGT e CCOO lamentamos profundamente o incidente ocorrido cunha xornalista durante o decurso da manifestación da folga do metal da Coruña, do que tivemos coñecemento polas informacións publicadas en redes e medios. As centrais sindicais trasladamos o absoluto respecto polo traballo das compañeiras e compañeiros dos medios de comunicación, cuxo labor resulta esencial nun estado democrático e como garante das liberdades.
Os sindicatos queremos deixar claro que non compartimos ningún tipo de comportamento agresivo, machista ou violento e que estas actitudes non teñen cabida dentro da nosa acción sindical. Ao tempo, pedimos que non se condene a todo un colectivo de persoas traballadoras que está dando unha loita exemplar na demanda dun convenio digno a causa duns feitos illados, protagonizados por un número moi reducido de persoas das que descoñecemos a súa identidade.
